​Ислом Каримов номидаги республика хайрия жамоат фонди танлов эълон қилди

Табиий фанлар (қайта тикланувчи энергия манбалари, кимё), сув ва ер ресурсларини бошқариш, машинасозлик технологиялари, озиқ-овқат технологиялари, озиқ-овқат хавфсизлиги, озиқ-овқат ишлаб чиқариш ва маркетинги, архитектура (шаҳарсозлик, тарихий обидаларни муҳофаза этиш ва қайта тиклаш), дизайн (маҳсулот дизайни, саноат ва меъморчилик дизайни), рассомчилик мутахассисликлари бўйича Европа ва АҚШ олий таълим муассасаларининг магистратура босқичида таҳсил олиш учун Фонд грантларини тақдим этиш мақсадида республикамиз ҳамда чет эл олий таълим муассасаларини муваффақиятли битирган, хорижий тилларни биладиган иқтидорли ва истеъдодли йигит-қизлар танлови эълон қилинди.

Чет элда (икки йилгача) таҳсил олиш ва яшаш харажатлари тўлалигича Фонд томонидан молиялаштирилади.

Фонд грантини қўлга киритишни истаган номзодларга қўйиладиган асосий талаблар:

- фаолиятини миллий истиқлол ғояларига бағишлаш, Ватани ва халқининг иқтисодий ва маънавий равнақига хизмат қилишни ўз бурчи ва ҳаётий маслаги деб билиш;

- умумбашарий ва миллий қадриятлар руҳида фикр юритиш, кенг дунёқараш ва юксак ахлоқ соҳиби бўлиш;

- танлаган мутахассислиги бўйича чуқур билимга эга бўлиш ҳамда камида битта хорижий тилни аъло даражада билиш.

Ҳужжатлар шанба ва якшанба кунларидан ташқари ҳар куни соат 9-00 дан 13-00 гача  қабул қилинади.

Талаб этиладиган ҳужжатлар, танлов шартлари ва муддатлари тўғрисидаги маълумотларни қуйидаги манзилда олиш мумкин:

Тошкент шаҳри, Мирзо Улуғбек тумани, Мовароуннаҳр кўчаси, 24-уй.

Маълумотлар учун тел.: +99895 1980122, +99871 237-34-20, +99871 237-38-13.

Telegram: @fondkarimov

www.fondkarimov.uz
09.01.2017 | 207

Бўлишиш:

Поделиться

Шарҳлар (0)
 
Фикр қолдириш учун сайтга Киринг